Тарихи кадр: Жаңа телескоптан ғарыштағы алғашқы суреттер жарияланды

Чилиде жаңа революциялық телескоптан ғарыштағы алғашқы суреттер жарияланды, деп хабарлайды BAQ.KZ тілшісі ВВС агенттігіне сілтеме жасап.

Чилидің Анд тауларындағы Серро-Пачон үстінде орнатылған Вера С. Рубин обсерваториясының қуатты телескопы алғаш рет ғарыштың тереңінде жасалған суреттерді жариялады. Олар 9 000 жарық жылы қашықтықтағы газ бен шаң бұлттарын көрсетті – жұлдыздардың пайда болу аймағы көркем бейнеленген.

Жаңа телескоп туралы не білеміз?

• Бұл телескоп 10 жыл бойы күн сайын түнгі аспанды зерттеуге арналған "Кеңістік пен Уақытты зерттеу" жобасының негізгі элементі болады.
• Ол Күн жүйесіндегі 9-планетаны, Жерге қауіпті астероидтарды анықтайды, сондай‑ақ біздің Құс жолы галактикасын толық картаға түсіреді.
• Дәстүрлі үш айна (8,4 м, 3,4 м, 4,8 м) көмегімен аспаннан түсетін жарықты камераға бағыттап, 3200 Мп ажыратымдылыққа дейін дәл бейне береді – бұл iPhone 16 Pro камерасынан 67 есе көп.
• Бір ғана кадрды көрсету үшін 400 Ultra HD теледидар экраны қажет деседі.

Шотландия корольдік астрономы, профессор Кэтрин Хейманс  астрономия ғылымындағы шынайы төңкеріс екенін атап өтті.

Бұл – астрономиядағы шынайы төңкеріс. Біз онжылдықтар бойы құрастырған жобаға бүгін қол жеткіздік, – дейді профессор Кэтрин Хейманс.

Зерттеушілер әлем бойынша 10 миллионнан астам сигналды түнде байқау жоспарында. Оның мақсаты – ғарыштағы уақытша өзгерістерді, алыстағы галактикаларды, экзопланеталарды зерттеу, сондай-ақ құпия "қара материя" туралы жаңа деректер жинау.

Бұл телескоптың бірегей артықшылығы – біржолғы емес, үздіксіз мониторинг, яғни өзгерістер байқалған кезде жүйе автоматты түрде хабар таратады.

Вера Рубин обсерваториясы – астрономиядағы жаңа кезеңнің басы. Бұл телескоп Ғарышты 10 жыл бойы үздіксіз бақылап, кейінгі ғылыми буынға құнды мәлімет беретіні күтілуде.