Тараз полициясы дүкенді тонаған тағы бес бүлікшіні ұстады

Нұр-Сұлтан, BAQ.KZ. Жедел-іздестіру іс-шаралары барысында полиция қызметкерлері бес адамнан тұратын  топты анықтап, ұстады. 

Қаңтардың 5-нен 6-на  қараған түні елде болып жатқан жаппай тәртіпсіздіктер кезінде  белгісіз тұлғалар қаланың шағын аудандарының біріндегі ұялы телефондар сататын дүкенге кіріп, жалпы құны 188,5 мың теңге көлеміндегі   ұялы телефондар мен смарт-сағаттарды  жасырын түрде ұрлап кеткен, - делінген хабарламада. 

Аталған дерекке қатысты Қылмыстық кодексінің 188-бабы 3-бөлігі бойынша сотқа дейінгі тергеу амалдары жүргізілуде. Құқық бұзушыларға екі жылдан жеті жылға дейінгі мерзімге бас бостандығынан шектеу түріндегі жаза  қарастырылған.