Тараз полицейлері 1,5 млн теңгенің ұрлық дерегін ашты

Ағымдағы жылдың 3 қарашасында «102» арнасына 57 жастағы жергілікті тұрғын хабарласқан. Әйел сағат 9.30-дан 13.00-ге дейін үйде болмағанын және осы уақытта ұрлық болғанын айтты, деп хабарлайды BAQ.KZ.

Белгісіз адам жатын бөлмесіндегі шкафтан 120.000 теңге сомасындағы ақша қаражатын және алтын бұйымдарын ұрлап кеткен. Жалпы шығын 1 410 000 теңге.

Аталған дерекке қатысты ҚК-нің 188-бабының 3-бөлігі (Ұрлық) бойынша сотқа дейінгі тергеу басталды.

Жедел іздестіру шараларының нәтижесінде полиция қызметкерлері облыс орталығының 27 жастағы тұрғынын анықтап, ұстады.

Ер адам кінәсін толық мойындады, тергеу әрекеттері жалғасып жатыр.