Тамызда қазақстандықтар қандай салық төлемдердін жасауы тиіс?

Салық төлеушілер тамыз айында қандай есептілікті тапсырып және қандай төлемдерді жүргізу қажет? Алматыдағы BAQ.KZ тілшісі қалалық Мемлекеттік кірістер департаментінен сұрап білді.

15 тамызда келесі есептілік нысандарын тапсыру мерзімі аяқталады:

• 101.03, 101.04 – Резиденттер мен резидент еместердің кірістерінен төлем көзі арқылы ұсталған корпоративтік табыс салығы бойынша есеп, ІІ тоқсан үшін;
• 200.00 – Жеке табыс салығы және әлеуметтік салық бойынша декларация, ІІ тоқсан үшін;
• 300.00 – Қосылған құн салығы бойынша декларация, ІІ тоқсан үшін;
• 400.00, 421.00 – Акциз бойынша декларация және құрылымдық бөлімшелер мен нысандар бойынша есеп, маусым айы үшін;
• 570.00 – Экспортқа салынатын ренталық салық, ІІ тоқсан үшін;
• 590.00 – Пайдалы қазбаларды өндіру салығы, ІІ тоқсан үшін;
• 710.00 – Ойын бизнесіне салынатын салық, ІІ тоқсан үшін;
• 880.00 – Цифрлық майнингке төлем бойынша декларация, ІІ тоқсан үшін;
• 910.00 – Жартыжылдық үшін жеңілдетілген декларация;
• 913.00 – Бөлшек салықтың арнайы салық режимі бойынша декларация, ІІ тоқсан үшін.

Сонымен қатар 20 тамызға дейін 328.00 нысаны бойынша есептілікті тапсыру қажет. Бұл – шілде айы үшін тауарларды әкелу және жанама салықтарды төлеу туралы өтініш.

Сол сияқты 20 тамызда Еуразиялық экономикалық одақ шеңберінде шілде айындағы ҚҚС пен акциздерді, соның ішінде ЕАЭО-дан импортқа қатысты, төлеу мерзімі аяқталады.

25 тамызға дейін төлеу қажет:

• Тамыз айына арналған корпоративтік табыс салығы (КТС) бойынша аванстық төлемдер;
• Шілде айында кірістерден төлем көзі арқылы ұсталған КТС және жеке табыс салығы (ЖТС);
• Шілде айында төленген кірістерден КТС және ЖТС;
• Арнайы мобильді қосымшаны пайдалана отырып арнайы салық режимін қолданатын жеке кәсіпкердің шілде айындағы табысынан ЖТС;
• Бөлшек салықтың арнайы салық режимін қолданатын салық төлеушілер үшін ІІ тоқсанға арналған КТС және ЖТС;

ІІ тоқсан үшін:

• Қосылған құн салығы (ҚҚС),
• Экспортқа салынатын ренталық салық,
• Пайдалы қазбаларды өндіру салығы,
• Роялти,
• Өндіру бонусы,
• Ойын бизнесіне салынатын салық,
• Цифрлық майнинг үшін төлем;

Заңды тұлғалар үшін:

• Жер салығы,
• Мүлік салығы бойынша ағымдағы төлемдер;
• Жер учаскелерін пайдалану,
• Су ресурстарын пайдалану,
• Қоршаған ортаға теріс әсер ету,
• Радиожиілік спектрін пайдалану,
• Сыртқы (визуалды) жарнама орналастыру үшін ағымдағы төлемдер;

Шілде айына:

• Әлеуметтік салық,
• Бірыңғай төлем,
• Әлеуметтік аударымдар,
• Міндетті әлеуметтік медициналық сақтандыруға (МӘМС) аударымдар мен жарналар,
• Міндетті зейнетақы жарналары (МЗЖ),
• Міндетті кәсіптік зейнетақы жарналары (МКЗЖ),
• Жұмыс берушінің міндетті зейнетақы жарналары (ЖМЗЖ).