Талдықорғандағы төбелес. Қатысқандардың барлығы анықталып, полицияға жеткізілді

Жасөспірімдер арасындағы оқиға 15 сәуірде Талдықорған қаласындағы орталық саябақ аумағында болған, деп хабарлайды BAQ.KZ.

Оған қатысқандардың барлығы анықталып, заңды өкілдерімен бірге қалалық полицияға жеткізілді.

Олар жергілікті оқу орындарының 2006-2007 жылы туылған оқушылары болып шықты.

Аталған факті бойынша ҚК-нің 293-бабының 2-бөлімінде "Бұзақылық" көзделген сотқа дейінгі тергеу амалдары басталды. Қылмыстық істі тергеу облыстық полиция департаментінің ерекше бақылауына алынды.