Талдықорғанда саяжай өртенді

Талдықорғанда саяжай үйіндегі өрт сөндірілді, деп хабарлайды BAQ.KZ Төтенше жағдайлар министрлігіне сілтеме жасап.

Белгілі болғандай, Көктем саяжай қоғамында Рябинова көшесінде саяжай үйі жанған.

Құтқарушылардың жедел әрекеттерінің арқасында өрттің басқа саяжай учаскелеріне таралуына жол берілмеді.

Өрт 50 шаршы метр алаңда сөндірілді. Зардап шеккендер жоқ. Өрттің себебі анықталып жатыр, - делінген хабарламада.