Талдыкөл көлінің аумағындағы өрт толық сөнді

Өрт толығымен нақтыланған ақпарат бойынша 1500 ш.м. алаңда жойылды, деп хабарлайды BAQ.KZ.

Зардап шеккендер жоқ. Өрттің себебі анықталуда, - деп жазды ТЖМ баспасөз қызметінен.

Өртті жоюға ТЖМ күштер мен құралдарының жеке құрамынан 33 адам мен 7 бірлік техникасы жұмылдырылды.

Қазір қарауылдау жұмыстары жүргізілуде.

Айта кетейік, Астанада құрғақ шөптің өрттенуі орын алған. Талдыкөл көлінің аумағында құрғақ шөп пен қамыс тұтанған.