Таэквондодан жасөспірімдер мен кадеттер арасындағы жарыстар өткізілмейді

Нұр-Сұлтан, BAQ.KZ. Бүкіләлемдік таэквондо федерациясы (World Taekwondo) жасөспірімдер мен кадеттер арасындағы барлық халықаралық жарыстарды кейінге шегерді деп хабарлайды Olympic.kz. 

Жас спортшыларды коронавирус жұқтырудан сақтау мақсатында осындай шешім қабылданып отыр, - делінген хабарламада.

Өйткені, COVID-19 вирусына қатысты әлемдегі ахуал әлі де тұрақсыз, ал ғаламдық вакцинация жасау үшін біраз уақыт керек. 

Осылайша, таэквондодан G1 және G2 санатындағы турнирлер өткізілмейді. Ал ересектер арасындағы бәсеке наурыз айында басталған болатын.