Нұр-Сұлтан, BAQ.KZ. Орталық мемлекеттік жекешілік әріптестік аясында салынды, деп хабарлады облыс әкімдігінің сайты. 

Түркістан облысының әкімі Өмірзақ Шөкеев Төлеби ауданы, Леңгір қаласында бой көтерген заманауи үлгідегі спорттық-сауықтыру кешенінің салтанатты ашылу рәсіміне қатысты.

Облыс аумағында мемлекеттік жекешілік әріптестік аясында жаңа спорт кешендері көптеп салынуда. Осы арқылы спорттық инфрақұрылымдар дамып келеді. Спортшыларға қарап өскелең ұрпақ үлгі алып, болашақта ел чемпиондарына ұқсағылары келеді. Әсіресе, ер бала үшін бұл өте маңызды. Жастардың бос уақыты болмау керек. Осы жолда оларға мүмкіндік жасау керек, – деді облыс басшысы Өмірзақ Естайұлы.

Жаңа спорттық-сауықтыру кешенінде 1400-ден аса жастар мен жасөспірімдер спорттың футбол, волейбол, баскетбол, бокс, үстел теннис, күрес түрлерінен кәсіби тұрғыда жаттыға алады. Бүгінде Төлеби ауданында 364 спорт нысаны жұмыс істейді. Онда 35 мыңнан астам адам шынығады.