Сыртқы істер министрінің орынбасары Оңтүстік Корея елшісімен кездесті

Қазақстан Республикасы Сыртқы істер министрінің орынбасары Қанат Тумыш Корея Республикасының елшісі Чо Тэ-Икті қабылдады, деп хабарлайды BAQ.KZ.

Кездесу барысында тараптар саяси, мәдени-гуманитарлық және консулдық салалардағы қазақ-корей ынтымақтастығының қазіргі жағдайы мен даму перспективаларын, сондай-ақ көпжақты форматтағы ықпалдастықты талқылады. Аса жоғары және жоғары деңгейде өтетін алдағы екіжақты іс-шаралардың кестесіне де ерекше назар аударылды.

Кездесу қорытындысы бойынша сұхбаттастар екі ел арасындағы кеңейтілген стратегиялық әріптестікті одан әрі нығайту жолында тығыз диалогты жалғастыруға уағдаласты.