Сыбайлас жемқорлыққа қарсы іс-қимыл жөніндегі ТМД мемлекетаралық кеңесінің отырысы өтті
Нұр-Сұлтан, BAQ.KZ. Іс-шараға Армения, Беларусь, Қырғызстан, Ресей Федерациясының Бас прокурорлары, Тәжікстан Республикасының мемлекеттік қаржылық бақылау және сыбайлас жемқорлыққа қарсы күрес жөніндегі агенттігінің директоры, сондай-ақ ТМД Атқару комитетінің басшылығы қатысты.
А.Шпекбаевтың қазақстандық сыбайлас жемқорлыққа қарсы саясатты таныстыру барысында үлкен қызығушылық пен оң пікір тудырған Агенттіктің жаңа тәсілдері мен жобалары ұсынылды.
Атап айтқанда, тиісті заңнамалық бастамаларда көрініс тапқан сыбайлас жемқорлықтың алдын алудың жаңа тетіктері ұсынылды. Шетелдік әріптестер сондай – ақ агенттіктің президентке есеп беретін және бағынатын және сыбайлас жемқорлыққа қарсы іс-қимыл мәселелерінде айрықша кешенді құзыреттер берілген тәуелсіз мемлекеттік органның жаңа мәртебесі туралы хабардар етілді.
Мемаралықкеңестің шешімі бойынша келесі отырыс Нұр-сұлтан қаласында 2020 жылы өтеді және Қазақстанның бастамасы бойынша посткеңестік кеңістікте сыбайлас жемқорлықты жою тәжірибесінде басым болатын қылмыстық-репрессиялық саясаттың баламасы ретінде парасаттылық идеологиясын ілгерілетуге арналады. Сонымен қатар, адалдық, әдептілік, сатылмаушылық қағидаттарын дамытуға ықпал ететін үздік жобаға халықаралық конкурс өткізу туралы бастама қолдау тапты.
Бұдан бөлек, Беларусь Республикасының Бас прокуроры А. В. Канюкпен екіжақты кездесу өтті. Оның барысында Агенттік Төрағасы сыбайлас жемқорлыққа қарсы қызметтің жұмысы туралы әңгімеледі. Сондай-ақ сыбайлас жемқорлыққа қарсы іс-қимыл саласында құқық қорғау органдарының еларалық өзара іс-қимылын неғұрлым тиімді ұйымдастыру мәселесі пысықталды.
Агенттік өкілдері сондай – ақ құқық қорғау және арнайы органдар үшін кадрлар даярлау жөніндегі ең беделді оқу орындарының бірі-Беларусь Республикасының Ұлттық қауіпсіздік институтына барды. Беларусь Республикасының МҚК төрағасы В. П. Вакульчикпен келіссөздер нәтижесінде институтта Агенттіктің жедел қызметкерлері үшін біліктілікті арттырудың арнайы курстарын өтеусіз негізде ұйымдастыру туралы уағдаластыққа қол жеткізілді.
Сонымен қатар, Агенттік делегациясы Беларусь экономикасының бәсекеге қабілеттілігін арттыру үшін құрылған жоғары технологиялар паркіне (ЖТП) барды. Парк басшылығы IT-салаға шетелдік инвестицияларды тарту тетіктерін таныстырды және арасында ең танымал Epam, Wargaming, Viber және т. б резидент компаниялар қызметінің нәтижелерін ұсынды.
А. Шпекбаев тұрмыстық сыбайлас жемқорлықты жоюдың басты факторларының бірі ретінде мобильді форматта мемлекеттік қызметтерді цифрландырудың қазіргі заманғы тәсілдерін, сондай-ақ жасанды интеллект, блокчейн және big data технологиялары призмасы арқылы сыбайлас жемқорлықты айналдыру бойынша бірлескен қадамдарды әзірлеу бөлігінде ЖТП-мен ынтымақтастыққа қызығушылық білдірді.