Сұйытылған газ қанша теңгеге қымбаттайды? Министр жауап берді

БАҚ өкілдері Энергетика министрі Алмасадам Сәтқалиевтен сұйытылған газ алдағы уақытта қаншалықты қымбаттауы мүмкін екенін сұрады, деп хабарлайды BAQ.KZ тілшісі. 

Сәтқалиев газ бағасы бірден өспейтінін айтты.

Сұйытылған мұнай газының бағасын кезең-кезеңімен, бірден өсіп кетпейтіндей етіп өзіндік құнына дейін жеткіземіз. Қазақстанда қазір баға диапазоны бар. Бір литрі - 50-80 теңге аралығында. Алайда бұл өнімнің өзіндік құны – кемінде 110 теңге. Бұл бағаны бірден қоймаймыз, бірте-бірте соған жетеді, — деді ведомство басшысы.