Су тасқыны. 5 облыста республикалық маңызы бар 11 жол жабылды

Республикалық маңызы бар автомобиль жолдарындағы су тасқыны туралы жаңартылған ақпарат жарияланды, деп хабарлайды BAQ.KZ.

Бұл туралы "ҚазАвтоЖол" ҰК баспасөз қызметі мәлім етті.

2024 жылғы 15 сәуірдегі сағат 09:00 жағдай бойынша халықаралық және республикалық маңызы бар автомобиль жолдарында ауа райының жылынуы мен қардың тез еруі салдарынан 3 облыста (Ақмола, СҚО, Қостанай) 9 жол жүру учаскесінде жалпы ұзындығы 5280 метр болатын су тасқыны орын алды. 5 облыстағы (Ақтөбе, Ақмола, Атырау, Қостанай, СҚО) республикалық маңызы бар 11 автомобиль жолдарында (ұзындығы 421 км) қозғалысқа шектеу қойылды, - делінген хабарламада.

Қазіргі таңда республикалық жолдарда 417 бірлік техника мен 523 адам жұмылдырылған.