Түркиядағы су тасқынынан бес адам қаза тапты

Алматы, BAQ.KZ. Түркияның солтүстік-батысындағы Бурса аумағында орналасқан Кестел аймағында су тасқыны болды. Соның салдарынан кем дегенде бес адам өліп, тағы бірі із-түзсіз кеткен. Бұл туралы lenta.ua хабарлады.

Бурса провинциясының Дудаклы, Нарлыдере, Гёльчук, Сарыкая, Каяджик және Ақсу аудандарында жауған нөсер жауынның арты су тасқынына әкелген.

Су басқан аймақта іздестіру-құтқару жұмыстары жалғасып жатыр. Оған 257 адам жұмылдырылған, оның 134-і полиция қызметкерлері. 

Сондай-ақ, Кестельге елдің ішкі істер министрі Сүлеймен Сойлу келді.