Соня Жиенбаева жасөспірімдер арасындағы Уимблдонның үшінші айналымына шықты

Қазақстандық теннисші Соня Жиенбаева жасөспірімдер арасындағы Уимблдонның үшінші айналымына шықты, деп хабарлайды BAQ.KZ.

ITF жасөспірімдер рейтингіндегі 22-орында тұрған Соня Жиенбаева 10 шілдеде Уимблдон турниріндегі ойынын жалғастырды.

Қазақстандық жас теннисші екінші айналымда WTA әйелдер арасындағы әлемдік рейтингіде 559-орында тұрған жапондық Эни Койкені (19 ITF Juniors) 6:3, 6:4 есебімен ұтты.

Соня үшінші айналымда Рината Ямричевамен ойнайды. Словакиялық теннисші жасөспірімдер арасындағы әлемнің екінші ракеткасы, Australian Open Juniors 2024 турнирінің жеңімпазы.