Соңғы екі жылда 287 жекеменшік мектеп ашылды

Алматы, BAQ.KZ тілшісі. Бұл туралы ҚР Білім және ғылым министрлігі «Қаржы орталығы» АҚ Ілгерілету және сыртқы коммуникациялар департаментінің директоры Алпамыс Сатыбалдин ӨКҚ алаңында өткен брифингте айтты.  

Оның айтуынша, елімізде 2019-2021 жылдары 94 696 орындық 287 жекеменшік мектеп ашылған.

Өңірлер арасында жекеменшік мектептерді ашу бойынша Түркістан облысы көшбастап тұр, бұл өңірде 56 мектеп ашылған. Шымкент қаласында - 52, Алматыда - 41, Нұр-Сұлтанда - 29, Жамбыл облысында - 30, Алматы облысында - 17, Қызылорда облысында - 16, Маңғыстау облысында - 14 және Ақтөбе облысында 8 мектеп ашылған.

Жекеменшік мектептердің ең аз саны мына өңірлерде тіркелген: Ақмола, Атырау - 5, Павлодар - 4, Қостанай - 3, СҚО, Қарағанды, Батыс Қазақстанда 2-ден және Шығыс Қазақстан облысында – 1 мектеп, - деді Алпамыс Сатыбалдин.

Жекеменшік мектептердің жалпы саны 408 бірлікке жеткен.