Сомалиде жарылыстан жеті адам қаза тапты

Нұр-Сұлтан, BAQ.KZ. Сомали астанасы Могадишода жарылыс болып, салдарынан жеті адам қаза тауып, он адам жараланды. 

Ақпаратқа сәйкес, Могадишоның басты трассаларының бойындағы бақылау-өткізу пунктінің жанында автокөліктің күлі көкке ұшқан. 

Жарылыс алдында полиция көлікке оқ жаудырған. 

Ал Garowe порталы автокөлік Сомали президентінің резиденциясы мен парламент ғимаратының жанында жарылғанын айтты. Әзірге жарылыс үшін жауапкершілікті ешбір топ мойнына алған жоқ.