Солтүстік Қазақстанда 1 млн 626 мың текше метрден астам қар шығарылды

Қыс басталғалы Солтүстік Қазақстан облысындағы елді мекендерден 1 млн 626 мың текше метрден астам қар шығарылды, деп хабарлайды BAQ.KZ.

ТЖМ мәліметінше, өткен аптада 301 мың 472 текше метр қар шығарылды.

2082 су өткізгіш құбырлар тазартылды, бір аптада - 974. 116 шақырымнан астам арықтар тазартылды, бір аптада - 30 шақырым тазартылды, - деп жазылған мәліметте.

Сонымен қатар 696 шақырымнан астам егістікке қаралау жүргізілді, бір апта ішінде – 322 шақырым.

Жыл басынан бері 23667 қап дайындалды, бір апта ішінде – 12218.

Су тасқыны ерекше бақылауда, дайындық жұмыстары жалғасуда.