Синоптиктер Қазақстанда үсік жүруі мүмкін екенін ескертті

24, 25 және 26 сәуір күндері Қазақстанда ауа райы күрт суытып, кейбір өңірлерде үсік жүруі мүмкін, деп хабарлайды BAQ.KZ.

Елдің көп бөлігінде жауын-шашынсыз ауа райы сақталады. Алайда түнгі уақытта солтүстік және шығыс өңірлерде ауа температурасы -1...-3 градусқа дейін төмендеп, үсік жүреді.

Батыс және солтүстік-батыс аймақтарда циклон әсерінен тұрақсыз ауа райы болжануда: жаңбыр, найзағай, бұршақ жауады. Сондай-ақ республиканың көптеген өңірлерінде жел күшейіп, оңтүстік пен оңтүстік-батыста шаңды дауыл, ал оңтүстік-шығыс таулы аймақтарында тұман болады.

Үсік күтілетін өңірлер:

- 24 сәуірде – Қостанай, Ақмола, Солтүстік Қазақстан облыстары;
- 24-25 сәуір аралығында – Павлодар облысы;
- 25 сәуірде – Қарағанды облысы;
- 25-26 сәуірде – Шығыс Қазақстан және Абай облыстары.

Тұрғындарға ауа райының өзгерістеріне мұқият болып, сақтық шараларын ұстануға кеңес беріледі.