Сібір жарасы. Қостанай облысында бүтін ауыл карантинге жабылды

Қостанай облысының Приречное ауылында Сібір жарасы анықталды, деп хабарлайды BAQ.KZ.

Eldala.kz мәліметінше, Қостанай облысының Приречное ауылында ірі қара малдан Сібір жарасы анықталып, карантиндік шаралар енгізілді.

Аталмыш ауыл Денис ауданында орналасқан. Әзірге қанша бас малға Сібір жарасы жұққаны белгісіз.

АШМ таратқан ақпаратқа сүйенсек, 2023 жылы Сібір жарасы еліміздің 4 облысында анықталған көрінеді. Оның ішінде Ақмола, Жамбыл, Түркістан, Қарағанды облыстары бар. Жұқпалы дерт салдарынан бір адам көз жұмған болатын.