Шыңғыс Мұқан қызметінен кетті

Шымкент қаласы әкімінің бірінші орынбасары Шыңғыс Мұқан өз қызметінен және жалпы мемлекеттік қызметтен кететінін мәлімдеді, деп хабарлайды BAQ.KZ.

Әкімнің бірінші орынбасары лауазымына сонау ковид өршіп тұрған дағдарыс кезінде, 2020 жылғы шілдеде келіп едім. Екі жарым жылға жуық жұмыс істеппін... Бұл шешім бір күнде туған жоқ. Біраздан бері пісіп жетілді. Асылы, мемлекеттік қызметтен тыс жүріп те мемлекетке қызмет етуге болады, - деді ол.

Шыңғыс Мұқан бұл туралы әлеуметтік желідегі жазбасында хабарлады. Енді ағартушылық пен шығармашылыққа ден қоймақ екенін айтты.