Шыңғыс Әрінов: Бүгін адалдық пен батылдықты бейнелейтін күн
Төтенше жағдайлар министрі сала қызметкерлерін бүгінгі кәсіби мерекелерімен құттықтады, деп хабарлайды BAQ.KZ.
Құрметті Төтенше жағдайлар министрлігінің қызметкерлері, әскери қызметшілері, құтқарушылары, курсанттары және қызметшілері, баршаңызды кәсіби мереке – Құтқарушы күнімен құттықтаймын! Бүгін Сіздердің қызметке деген адалдықтарыңыз бен батылдықтарыңызды бейнелейтін күн. Күнделікті ерліктеріңіз қоғам үшін баға жетпес іс және әрқайсыларыңызды осы үшін мен мақтан тұтамын, - деді минстр.
Төтенше жағдайлар министрлігі күрделі қызметтеріңізді жоғары бағалап, Сіздерді әлеуметтік, тұрғын үймен және материалдық-техникалық қамсыздандыруға бағытталған бағдарламаларды жүзеге асыруды жалғастырады.
Құтқарушы күні Сіздерге және отбасыларыңызға шын жүректен зор денсаулық, бақ-береке мен маңызды істеріңізде жетістіктер тілеймін. Еліміздің қауіпсіздігі үшін атқаратын қызметтеріңіз табысты болсын, деді ТЖ министрі генерал-майор Шыңғыс Әрінов.