Шымкентте жоғалған баланы тапқан полицейлер марапатталды

Шымкентте патрульдік полиция полкінің қызметкерлері жоғалған баланы анасына тапсырған, деп хабарлайды BAQ.KZ.

Мен баламнан сағат 11:30 шамасында көз жазып қалдым. Дереу іздеуге кіріскен полиция қызметкерлері сағат 12:15 кезінде баламды тауып берді, - дейді баланың анасы.

Полиция қызметкерлерінің жұмысына риза болған ана оларды осындай жауапкершілігі үшін марапаттауды ұсынған. Осы ұсыныс негізінде патрульдік полиция полкінің қызметкерлері Мұсахан Өміралиев пен Марат Иманбаев басшылық тарапынан алығыс хатпен марапатталды.