Жалпы ұзындығы 2,287 шақырымды құрайтын жол құрылысының бүгінде инфрақұрылымдық жұмыстары жүргізіліп жатыр. Мәселен, суағар каналмен қиылысқан жерінде су өткізгіш құрылысы мен темір-бетонды құбырдың құрылыс-монтаж жұмыстары және жолмен қиылысатын газ, су құбырының кабельдерін қорғау, жер астына ауыстыру жұмыстары атқарылуда.

Жолдың сапасына баса мән беруді тапсырған қала басшысы кемшіліктерді алдын ала анықтап, жою керектігін ескертті. Сонымен қатар, әкім жолдың көлік өтетін бөлігін қыркүйек айына дейін аяқтауды міндеттеді.

Айта етейік, халықаралық әуежай аумағында жаңа жолаушылар терминалының құрылысы жүргізілуде.