Шымкентте туристерге арналған навигациялық стелалар орнатылды

Нұр-Сұлтан, BAQ.KZ. "Мәдени астана" аясында және қалаға келетін өзге де қонақтарды Шымкент қаласының көрікті жерлерімен таныстыру мақсатында Туризм басқармасы тарапынан қаланың ірі көшелерінің қиылысына ақпараттық навигациялық стелалар орнатылып жатыр. 

Навигациялық стела – бұл жақын орналасқан туристік нысандар туралы ақпарат көзі ретінде қызмет ететін, әрі аймақта жылдам бағыт алуға жағдай жасайтын шағын көлемді дизайн.   
                                                                                 

Бүгінгі таңда аталған навигациялық стелалардың бірі - Б. Момышұлы және Желтоқсан көшелерінің қиылысында орнатылды. Алдағы уақытта бұдан өзге 29 стеланы орналастыру бойынша жұмыстар жүргізіліп жатыр, - деп хабарлады Шымкент қаласы әкімінің баспасөз қызметі.