Шымкентте қойма өртенді

Құтқарушылар Шымкент қаласындағы өртті сөндірді, деп хабарлайды BAQ.KZ Төтенше жағдайлар министрлігіне сілтеме жасап.

Еңбекші ауданында Сайрамская көшесі бойындағы жеке аумақта орналасқан қоймада құрылыс материалдары өртенгені белгілі болды.

Құтқарушылардың жедел әрекеттерінің арқасында 340 шаршы метр алаңда өрт толықтай сөндірілді. Зардап шеккендер жоқ, себебі анықталып жатыр, - деп атап өтті ведомстводан.

ТЖМ кәсіпкерлерден өрт қауіпсіздігі ережелерін сақтауды сұрайды.