Шымкентте өзін «әкімдік қызметкеріміз» деп таныстырған алаяқтар 70 адамды алдап кетті

Шымкентте өзін «әкімдік қызметкерлеріміз» деп таныстырып, 70-тен астам адамды 140 миллион теңгеге алдап кеткен екі әйелге қатысты үкім шықты, деп хабарлайды BAQ.KZ.

Әл-Фараби аудандық прокуратурасының мәліметінше, олар алаяқтық схеманы бір жылдай жүргізген, деп мәлімдеді Otyrar телеарнасы.

Орта есеппен алғанда, әр жәбірленуші айыпталушыға мемлекеттік бағдарлама бойынша пәтер алуға көмектескені үшін бір миллионнан екі миллион теңгеге дейін ақша берген. Сот үкімімен Шымкенттің екі тұрғыны да «алаяқ» деп танылып, алты жылға бас бостандығынан айырылды. Олар бір, бір жарым жыл жұмыс істеген. Өйткені қазірдің өзінде адамдар анықталып жатыр. Алаяқтар бір жыл, бір жарым жылда бәрін жасаймыз деп уәде берген. Одан кейін адамдар шыдай алмай арыз жазды, – деді Шымкент қаласы Әл-Фараби аудандық прокуратурасының аға прокуроры Мұзафар Мүтәліпов.

Прокурордың айтуынша, жәбірленушілер ақшаны қайтармаған, өйткені оны алаяқтар «өз қажеттіліктеріне» жұмсап қойған. Енді сот бұл ақшаны айыпталушылардан өндіріп алмақ.