Шымкентте лауазымды тұлға әкімшілік жауаптылыққа тартылды

Аудандық прокуратура лауазымды тұлғаны әкімшілік жауаптылыққа тартты, деп хабарлайды BAQ.KZ.

Шымкент қаласы Қаратау ауданы прокуратурасының талдауының нәтижесінде су ұңғымаларын рұқсатсыз бұрғылау бойынша жұмыстар жүргізу фактілері, сондай-ақ олардың орындалуын уәкілетті органдардың және жобалық-сметалық құжаттамамен үйлестірудің жоқтығын анықтады.

Ал рұқсат беру рәсімдері қолданыстағы заңнамаға сәйкес міндетті.

Осылайша, Шымкент қаласы Қаратау ауданы әкімінің аппараты 5 көшеге (Шымкент қаласы Қаратау ауданы Байдібек би даңғылы, Нұрсәт шағын аудан Измир к-сі., Тұран шағын ауданы Абылайхан к-сі., Батыр-1 және Батыр-2 шағын ауданында Алатау к-сі.) су ұңғымасын бұрғылау, жер-қойнауын және жер асты суларын заңсыз пайдалануды жою бойынша жұмыстарды заңсыз жүргізуге рұқсат берген.

Қадағалау актісі бойынша Қаратау ауданы әкімінің орынбасарына қатысты ӘҚБтК-нің 360-бабының 2-бөлігі (Су қорғау аймақтарында және су обьектілері белдеулерінде заңсыз құрылыс салу, сондай-ақ өзеннің табиғи арнасын заңсыз өзгерту) бойынша хаттама толтырылып, мемлекет кірісіне 73 840 теңге көлемінде айыппұл өндірілді.