Шымкентте битум толы бөшкеге құлап кеткен ер адам тіл тартпай кетті

Шымкентте битум құйылған бөшкеге құлап кеткен ер адам қаза болды, деп хабарлайды BAQ.KZ.

Шымкент қаласы ТЖД баспасөз қызметі мәлім еткендей, оқыс оқиға 11 қыркүйек күні сағат 08:56 Клара Цеткин көшесінің бойында орналасқан «ОЛАКС» ЖШС мекемесінде болды. 

Ер адам битум құйылған темір бөшкеге құлап кеткен.  

Оқиға орнына келіп жеткен жедел-құтқару бөлімшесінің мамандары тыныс алу аппараты мен альпинистердің арқанын пайдалана отырып ер адамның денесін алып шықты. 

Оқиғаның мән-жайын анықтау мақсатында ер адамның денесі полиция қызметкерлері мен жедел жәрдем қызметкерлеріне берілді.