Шымкентте 269 адамға «қандас» мәртебесі берілді

Шымкентте жыл басынан бері 269 адам «қандас» мәртебесін алды. Бұл өткен жылдың осы кезеңімен салыстырғанда 37 адамға артық, , деп хабарлайды BAQ.KZ қала әкімдігінң ресми сайтына сілтеме жасап.

Алыс-жақын шетелдерден көшіп келген тұрғындар «Қандастарды бейімдеу және ықпалдастыру» орталығында 6 ай бойы мемлекеттік тілді үйреніп, жұмыспен қамту, әлеуметтік қолдау шаралары бойынша көмектер алады. Осындай бейімдеу қызметтері қазір 50 шақты мүшесі бар 18 отбасыға көрсетілуде, - делінген хабарламада.

Қоныс аударғандардың басым бөлігі – ТМД елдерінен. Өзбекстан Республикасынан – 260, Ресейден – 5, Қырғызстаннан – 1 және Қытайдан – 3 адам көшіп келген.

Айта кетейік, қандастарды бейімдеу және ықпалдастыру орталығы Шымкент қаласы, Абай даңғылы 3Г мекенжайында орналасқан.