Шымкентте 2 гектар жер учаскесі мемлекетке қайтарылды
Шымкент қаласынында нысаналы мақсатта пайдаланылмаған жер учаскесі мемлекетке қайтарылды, деп хабарлайды BAQ.KZ АШМ-ға сілтеме жасап.
2013 жылы жергілікті атқарушы органның қаулысымен ЖШС-ке синтетикалық жіп және микрофибрадан және басқа да тоқыма материалдарынан жасалған бұйымдар шығаратын зауыт салу үшін ауданы 2,0 га жер учаскесін берді, - делінген ақпаратта.
Алайда, ҚР АШМ Жер ресурстарын басқару комитетінің Шымкент қалалық департаменті жүргізген жоспардан тыс тексеру барысында учаскенің нысаналы мақсаты бойынша пайдаланылмайтыны анықталды. Департамент ҚР Жер заңнамасының талаптарын бұзушылықтарды жою қажеттігі туралы ұйғарым берді.
Нұсқаманың орындалмауына байланысты жер учаскесін мәжбүрлеп алып қою туралы сотқа талап арыз берілді. Мамандандырылған ауданаралық экономикалық сот кадастрлық құны 70 млн. теңге болатын жер учаскесін мемлекет меншігіне қайтару туралы шешім шығарды.