Шымкент: Тұран ауданында абаттандыру бойынша 40 жоба жүзеге асырылды

Өткен жылы Тұран ауданында 34,8 шақырымдық 42 көшеге орташа жөндеу жүргізіліп, 67 көше ағымдағы жөндеуден өтті, деп хабарлайды BAQ.KZ.

Осылайша, асфальтталған көшелер үлесі 80,2%-дан 87,4%-ға жетті. Ал ауданда барлығы 597 көше бар, былтыр 428 көшеге жарықшам орнатылды. Бүгінде жарықтандырылған көшелердің үлесі 42,5%-дан 93%-ға жетті.

Демеушілердің көмегімен 2 демалыс орны ашылды. Абаттандыру бағытында 40 жаңа жоба іске асырылды, 30 балалар ойын алаңшасы, 8 балалар және спорт алаңшасы, 2 спорт алаңшасы. Сонымен қатар, 6 мекенжайдағы ғимараттарға мурал салынды, - деп жазды қала әкімдігінің баспасөз қызметі.