Шымбұлақта қар көшкіні жүрді

Бүгін, 2025 жылғы 10 наурызда Шымбұлақ тау шаңғысы курортында қар көшкіні жүрді, деп хабарлайды BAQ.KZ.

"Қазселденқорғау" ММ дерегіне сүйенсек, 112 нөмірне зардап шеккендер жайлы ақпарат түспеген.

Еске сала кетсек, Төтенше жағдайлар департаменті Қазгидромет РМК-ның дауылды ескертуінің негізінде 2025 жылғы 7 наурызда азаматтарды, сондай-ақ мүдделі мемлекеттік органдарды болуы мүмкін Алматы тауларындағы қар көшкіні жайлы SMS хабарламалар арқылы құлақтандырған.

Алдын ала ақпарат бойынша, көшкінге Шымбұлақ тау шаңғысы курортында демалып жүрген 3 турист себепкер болған. Олар белгіленбеген жолмен жүріп, 3500 м³ көлеміндегі қар көшкінін жүргізген.