Шығыс Қазақстанда қар көшкіні жүрді

Шығыс Қазақстан облысында қар көшкіні жүрді, деп хабарлайды BAQ.KZ.

ШҚО төтенше жағдайлар департаменті баспасөз қызметінің мәліметінше өңірде қар көшкіні жүрді.

«Өскемен-Таулы Үлбі-Солтүстік» тасжолының учаскесінде жалпы көлемі 150 текше метр қар көшкіні жүрді. Бұл уақытта аталған жол жабық болатын. Жауапты мекемелердің жұмысшылары жолды бірден тазартты, - деп хабарлады ведомство өкілдері.

«Қазселденқорғау» ШҚ филиалының мамандары қар көшкінін жасанды жолмен де түсіріп жатыр. Қыс мезгілінің басынан бері өңірде 80 000 текше метрден астам қар түсірілген.