Шығыс Қазақстанда жолда қалған аңшылар құтқарылды

Нұр-Сұлтан, BAQ.KZ. Семей қаласынан 47 шақырым қашықтағы Жарқын ауылының үш тұрғыны «Нива» көлігімен аңға шыққан. Алайда ауылдан 30 шақырым ұзағаннан кейін аңшылардың көлігі сынып қалған, деп хабарлады Алтайньюс.

Жедел-құтқару жасағының қызметкерлері жолаушыларға «Нива-Марш» автокөлігімен жетіп, көмек көрсетті. Ешкім зардап шекпеді. Аймақ тұрғындарына ескертеміз, жолға шықпас бұрын міндетті түрде автокөліктің техникалық жағдайын тексеріп алыңыздар. Автокөлік жолдарының жағдайы туралы «Дәрмен» мобильді қосымшасынан білуге болады, – деп мәлімдеді ШҚО ТЖД.