Шұғыл: ТЖД алматылықтарға ескерту жасады

Алматы қаласының ТЖД ауа райының күрт нашарлауына байланысты қала тұрғындары мен қонақтарына үндеу жасады, деп хабарлайды BAQ.KZ.

ТЖД "Қазгидромет" таратқан дауылды ескертуге сүйеніп, 2025 жылдың 8 желтоқсанында:

• таулы аймақтарда қатты жауын-шашын (қар) және көктайғақ күтілетінін;
• Алматыда – тұман түсіп, ауа температурасы төмендейтінін және тау бөктерінде көктайғақ болуы мүмкін екенін мәлімдеді.

Құтқарушылардың ұсыныстары:

• жолдағы жағдайды ескере отырып, бағыттарыңызды қайта қараңыз;
• қала қонақтары мен туристерге тауға барудан бас тарту қатаң түрде ұсынылады;
• егер тау жақта жүрсеңіз, ауа райы нашарлаған кезде кері жолды таба алмай қалу қаупі бар, сондықтан үйге қайтуды кешке қалдырмаңыз;
• автокөлікті ағаштардың астына қоймаңыз;
• бекітпесі әлсіз құрылымдардың жанында тұрмаған жөн, олар құлап, жарақат алуыңыз мүмкін.

Алдағы суыққа байланысты:

• пеш мұржасының тығыз жабылғанын үнемі тексеріп жүріңіз, бұл жану өнімдерінен шығатын улы газдың үйге тарауына жол бермейді;
• электр желілерін шамадан тыс жүктемеңіз.