ШҚО тұрғыны алаяқтарға 5 млн теңгесін беріп жіберді

Өскемен қалалық ПБ Ертіс полиция бөліміне Шемонаиха ауданының тұрғынынан өтініш келіп түскен, деп хабарлайды BAQ.KZ Polisia.kz-ке сілтеме жасап. 

Ер адам танысының су құбырын тартуға ақша салуды ұсынғанын, бірақ оны алдап, ақшасын иемденіп алғанын айтқан. 

Келтірілген шығын 5 миллион теңгеден асты. Жедел-іздестіру іс-шараларын жүргізу барысында тәртіп сақшылары 42 жастағы күдіктіні ұстаған. Осы факті бойынша ҚР ҚК-нің 190-бабы 3-бөлігі (Алаяқтық) бойынша сотқа дейінгі тергеу басталды. Бұдан әрі жедел-тергеу іс-шаралары жүргізіліп жатыр.