ШҚО-дағы таулы жерлерде қар көшкіні жүру қаупі бар

Шығыс Қазақстан облысындағы таулы жерлерде қар көшкіні жүруі мүмкін, деп хабарлайды BAQ.KZ.

ШҚО төтенше жағдайлар департаменті баспасөз қызметінің мәліметіне сүйенсек, өңірде қар көшкіні жүру қаупі бар.

15 қарашадан бастап метеорологиялық жағдайдың өзгеруіне, жиі қар жаууына және желдің күшеюіне байланысты облыстың таулы жерлерінде қар көшкіні түсуі ықтимал. Осы ретте, тұрғындарға барынша абай болуды, ешбір жағдайда тауға шықпау қажеттігін ескертеміз, — деп хабарлады ведомство өкілдері.

Егер қандай да бір қиындыққа тап болсаңыздар, бірден «112» нөміріне қоңырау шалыңыз.

Сондай-ақ құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес берді.