ШҚО-да вагондар рельстен шығып кетті

ШҚО-да вагондар рельстен шығып кетті, деп хабарлайды BAQ.KZ.

Қаза болғандар мен зардап шеккендер жоқ

Altaynews.kz-тің мәліметінше, бүгін таңертең "Бұқтырма-Заводинка" темір жолының учаскесінде жүк пойызының 12 вагонының дөңгелек жұптары рельстен шығып кеткен, бірақ аударылмаған . Қаза болғандар мен зардап шеккендер жоқ.

Жағдайды Алтай ауданы мен Шығыс Қазақстан облысының билігі бақылауға алып, шұғыл әрекет ету қызметтері дереу жұмылдырылды.

Оқиғаның егжей-тегжейлері нақтыланады. Жүк құрамының кен және көмір тасымалдағаны белгілі.