ШҚО-да қар көшкінінен әлі де қауіп бар

Нұр-Сұлтан, BAQ.KZ. ШҚО-да қар көшкіні қаупі 15 сәуірге дейін сақталады, деп хабарлайды Алтайньюс. 

Өңірдегі ауа температурасының күрт жылынуына байланысты және жауын-шашын болуына байланысты таулы аймақтарда 12-15 сәуір аралығында қар көшкіні жүруі мүмкін. Тұрғындарға қауіпсіздік ережелерін сақтап, барынша сақ болу керетігін және таулы аймақтарға бармау керектігін ескертеміз, - дейді ШҚО ТЖД баспасөз қызметі.

Мамандар төтенше жағдайға тап болғанда, 112 нөміріне хабар беруді ескертеді.