ШҚО-да қар көшкіні қаупі әлі сақталып тұр

Шығыс Қазақстан облысының таулы аймақтарында жел екпінінің күшеюіне байланысты қар көшкіні жүруі мүмкін, деп хабарлайды BAQ.KZ.

ШҚО ТЖД тұрғындарға демалыс күндері таулы аймақтарға барудан бас тартып, қауіпсіздік талаптарын қатаң сақтау керегін ескертеді.

9 -12 желтоқсан аралығында облыстың таулы аймақтарында қар көшкіні қаупі бар. Сондықтан тұрғындарға таулы аймақтарға бармауды, жолға шыққан болса, қар көшкіні қаупі бар жерлерде ұзақ тоқтап тұрмауды ескертеміз, - дейді ШҚО ТЖД баспасөз қызметі.