ШҚО-да әкімдікті басып алуға шақырған азаматтар анықталды – Бас прокуратура

Нұр-Сұлтан, BAQ.KZ тілшісі.  Бұл туралы Бас прокуратураның Қылмыстық қудалау қызметі бастығының орынбасары Елдос Қилымжанов ҚР Президенті жанындағы ОКҚ-дағы брифингте айтты.

Шығыс Қазақстан облысының прокуратурасымен қиратулар, мүліктерді жою және Семей қаласы әкімдігін басып алудың қатысушысы анықталды.5 қаңтарда аталған қылмыскер Семей қаласы әкімдігінің ғимаратының алдында адамдар тобымен «Газель» маркалы полиция автокөлігін аударып тастаған.Өзінің әрекетімен ол басқа адамдарды баурап алып, әкімдікті басып алуға шақырған, - деді Қилымжанов. 

Ол атағандай, осы өңірде бұрын сотты болған экстремистік ұйымның мүшесі - қаңтар оқиғаларының басқа қатысушысы анықталды. 

Ол дауыс күшейткіш көмегімен Семей тұрғындарын оларға қосылуға шақырған және қала әкімдігін басып алуды ұйымдастырушылардың бірі болған.Оның әрекеттері видеода жазылған және қиратулар мен тәртіпсіздіктердің басқа да қатысушыларының жауаптарымен расталады, - деді ол.

Қилымжанов атағандай, Ақтөбе қаласында облыс әкімдігіне шабуылдаушылардың бірі ұсталды.

«Қайғылы оқиғалардың» сол күндері бұл қылмыскер «WhatsApp» мессенджерін пайдаланып, 300-ден астам адамды жинады, содан кейін аталған адамдар Ақтөбе облысы әкімдігінің ғимаратын басып алуға белсенді түрде қатысты.Шабуылға тойтарыс беру кезінде құқық қорғау органдарының 31 қызметкері ауыр дене жарақаттарын алды. Күдікті және оның сыбайластары сот санкциясымен қамауда отыр, - деді Қилымжанов.