ШҚО тұрғыны 5 жасар ұлының жоғалғаны туралы оқиғаны ойлап тапқан

Нұр-Сұлтан, BAQ.KZ. ШҚО-да арнаулы қызметке 5 жасар ұлының жоғалып кеткендігі туралы жалған мәлімет айтқаны үшін әйелге қатысты әкімшілік хаттама толтырылды, деп хабарлайды Noks.kz.

27 шілдеде Өскемен қаласы Ертіс полиция бөліміне Белоусовка кентінің (Глубокое ауданы) тұрғыны жүгінген.

1996 жылы туған әйел полицияға кішкентай ұлының жоғалып кеткені туралы айтқан.

Анасының айтуынша, 5 жасар Миша Қазақстан көшесіндегі «Донер» кафесіндегі ойын алаңынан кетіп қалған. Әйел баласын «Электр тауарлары» дүкенінің маңында тұратын бұрынғы күйеуі алып кетуі мүмкін екенін айтқан. Бірақ баланың әкесінің нақты мекен-жайын айта алмады, - деп хабарлады Өскемен қалалық ПБ баспасөз қызметі.

Әйел айғақтарда шатасып, басқа ештеңе айта алмаған, содан кейін ол мас күйінде екенін айтып, ұлының жоғалғаны туралы оқиғаны ойлап тапқанын айтқан.

Оған қатысты ҚР ӘҚБтК-нің 438-бабының 1-бөлігі бойынша әкімшілік хаттама толтырылды (арнайы қызметтерді жалған шақыру), - деп толықтырды полицияда.