ШҚО-да жоғалған бір үйір жылқы иесіне қайтарылды

Нұр-Сұлтан, BAQ.KZ. 16 маусым күні Бесқарағай аудандық полиция бөлімшесіне 59 жастағы ер адам жүгініп, Черемушки ауылының маңында жайылып жүрген 39 жылқысы жоғалып кеткенін жеткізді, деп хабарлады Алтайньюс.

Мал иесіне келген шығын көлемі 23 400 000 теңге теңгені құраған.

Алғашында ер адам малдын өз бетінше іздепті. Алайда еш нәтиже шықпағандықтан, полиция қызметкерлеріне жүгінуге мәжбүр болған.

Үш мобильді топ құрылып, көршілес Павлодар облысына шықты. Жақын маңайдағы шаруа қожалықтары толықтай тексеріліп, жергілікті тұрғындар мен малшылардан да сұрастырған. Нәтижесінде жоғалған малдар Грачи ауылының маңынан табылды, - деді ШҚО ПД баспасөз қызметі.