ШҚО-да BMX кросс велоспортына арналған кәсіби трек салынып жатыр

Нұр-Сұлтан, BAQ.KZ. BMX – велосипед спортының кең таралған түрі және 2008 жылдан бері ол олимпиадалық ойын түрлерінің қатарында.

BMX – тек жастар қызығатын спорт түрі ғана емес, көптеген велоспорт әуесқойы үшін өмір сүру стилі болып саналады. Облыс орталығында салынып жатқан трек халықаралық стандарттарға сай болмақ. Тректің жабыны Токио Олимпиадасындағы сияқты болады. Велокросс әуесқойлары үшін де, кәсіби спортшылар үшін де жолдар салынады. Алдағы уақытта бұл жерде әлемдік деңгейдегі жарыстарды өткізетінімізге сенімдімін, - деді нысан құрылысын аралаған аймақ әкімі.

Ол сонымен қатар құрылысшыларға Мәскеуден келген Халықаралық велоспорт федерациясының өкілдері кеңес беретінін, сондықтан құрылысты  жобалағанда және салғанда талаптар түгел ескеріліп, барлық тиісті параметрлер сақталатынын атап өтті.