ШҚО-да әйел болып киінген ер адам шағын несие ұйымын тонаған

Нұр-Сұлтан, BAQ.KZ. Жәбірленуші ірі көлемдегі ақша ұрлаған қаскөй әйел адам болды деп сендірді, деп хабарлады ШҚО ПД баспасөз қызметі.

Биыл 21 наурызда сағат 11:30-да Риддер қаласы полиция бөлімінің кезекші бөліміне қала тұрғынынан қоңырауы келіп түсті. Ол ЖШС-нің бірінің микроқаржы ұйымының кеңсесі тоналғаны туралы хабарлады. Оның үстіне жәбірленуші ірі көлемдегі ақша сомасын ұрлаған қаскөй әйел адам болды деп сендірді.

Оқиға орнына дереу Риддер қаласы ПБ тергеу-жедел тобы, сондай-ақ криминалдық полиция бөлімшесінің аймақтық-аумақтық қызметкерлері жедел жіберілді.

Жедел-іздестіру іс-шараларын жүргізу барысында криминалдық полиция бөлімшесінің қызметкерлері күдіктінің жақын маңдағы тұрғын үйлердің аулалары арқылы қашып кеткенін анықтады. Алайда бір сағат ішінде жедел уәкілдер күдікті азаматты анықтап, ұстады. Ол Риддер қаласының 45 жастағы тұрғыны болып шықты. Қаскүнем көптен бері Риддер қаласындағы базарлардың бірінде орналасқан пайызсыз қарыз беретін микроқаржы ұйымының кеңсесіне шабуылды жоспарлағаны анықталды. Әйел киімін киіп алып, капюшоны бар ақ түсті әйелдер курткасы, өкшесі бар ақ етік, әйелдер паригі, қара шарф және бет-әлпетін жасыратын медициналық маска киіп алған қаскүнем танымастай өзгерді. Ол кеңсеге кіріп, қару тәрізді затпен қорқытып, менеджерден ірі көлемдегі қаражатты ашық түрде ұрлаған, - делінген хабарламада.

Қазіргі уақытта аталған факті бойынша ҚР Қылмыстық кодексінің 191-бабы 2-бөлігі бойынша сотқа дейінгі тергеп-тексеру басталды.