"Шешім осылай болып тұр". Той көйлегін киген Жұлдыз Әбдікәрімова жұртты ойландырып қойды

Әнші Қайрат Нұртастың жары, актриса Жұлдыз Әбдікәрімова той көйлегін киіп, видео түсірді, деп хабарлайды BAQ.KZ.

Сөзінше, ақ көйлек кию арқылы ол өміріндегі кезекті гештальтін жапқан.

Ел не дейді? Жұрт не ойлайды?… енді мұндай сұрақтар мені мазаламайды. Шешім осылай болып тұр. Араға жылдар салып, қайта ақ көйлек кию оңай болған жоқ. Сонымен "АҚ КӨЙЛЕК" деген гештальт жабылады. Қыздар, түрлі жағдай болуы мүмкін. Түсінуге болады. БІРАҚ болмады, кимедім деп өмір бойы өкініп өтудің қажеті жоқ. Прокатқа көйлек аласыз, өзіңіз қалаған гүлді таңдайсыз да фотостудияға барасыз, - деп жазды өнер жұлдызы Instagram-дағы парақшасында.

Сондай-ақ Жұлдыз Қайратпен үйленгенде той көйлегін қалай таңдағанын айтып берді. 

Менің алғаш тұрмысқа шыққан кезім есіме түсіп отыр. Ол күн, ол көйлек туралы мен сағаттап айта бере аламын. Мен той көйлегін іздеуге шығып, Алматыдағы барахолкаға барамын. Барлығы бір типті жылтырақ. Маған ондай ұнамайды. Соңғы рет қарауға келдім. Осы жерден таппасам, тіктіртейін деп ойладым. Бір бутикке кірдім де, бұрышта бір тығылып тұрған көйлекті көремін. Қатты ұнап қалады. Көкірек тұсында және етегінде гүлдермен көмкерілген нәзік, маған арналғандай көйлек болды. Ол көйлек әлі күнге дейін бар. Сіздерге бір күні көрсетермін, - деп атап өтті Әбдікәрімова.