Шекарадан заңсыз өтпек болған 9 шетелдік ұсталды

Қазақстан шекарашылары мен полицейлері елден заңсыз өтпек болған тоғыз пәкістандықты ұстады, деп хабарлайды BAQ.KZ.

Ұлттық қауіпсіздік комитетінің баспасөз қызметі хабарлағандай, Пәкістан Ислам Республикасының 9 азаматы Қазақстанға өту үшін қазақ-қырғыз шекарасын заңсыз кесіп өтпек болған.

Ұсталғандарға қатысты құзырлы орган сотқа дейінгі тергеуді бастады.