Шекарадан 6 млн теңгенің темекісін алып өтпек болғандар ұсталды

Жамбыл облысында шекарадан 6 млн теңгенің темекісін алып өтпек болғандар ұсталды, деп хабарлайды BAQ.KZ.

Шекара қызметінің Жамбыл облысы бойынша департаменті Қордай ауданы бойынша шекара басқармасы «Қарасай батыр» шекара бөлімшесінің әскери қызметшілері 10 маусымда мемлекеттік шекараның Қазақстан-Қырғыз учаскесінде жалпы сомасы 6 млн теңгеден асып түсетін тауарларды заңсыз алып өту фактісінің жолын кесті (саны 19 қорап болатын темекі стиктері).

Уәкілетті органдар осы құқық бұзушылық іс-әрекетке қатысы бар адамдарды анықтау бойынша шараларын жүргізіп жатыр.