Шавкат Рахмоновтың қарындасы төртінші жеңісіне қол жеткізді

Қазақстандық UFC файтері Шавкат Рахмоновтың қарындасы Алматыда өткен Naiza 51 турнирінде жеңіске жетті, деп хабарлайды BAQ.KZ Vesti.kz-ке сілтеме жасап.

Сора Рахмонова ресейлік Валерия Карыгинамен кездесті. Жекпе-жек жеңіл салмақ дәрежесінде өтіп, екінші раундта аяқталды. Сол кезде Рахмонова қарсыласына ауыр соққылар жасап, төреші жекпе-жекті тоқтатуға мәжбүр болды.

Карыгина осы жеңілісіне дейін қатарынан үш рет жеңіске жеткен. Ал Рахмонова осымен төртінші рет жеңіске жетіп, бұған дейін бір рет жеңілген еді.